灣仔同銅鑼灣交界，天樂里薯蓉皇對開嘅「富德樓」係一幢藝文青必到之地，有藝術，有書，有食物，有貓貓，而且可以任坐，無人會將你趕離藝術嘅懷抱。
呢度，充滿色彩，值得支持！
呢幢主要為藝術工作者同非牟利文化藝術團體駐守嘅基地，有種文化藝術村嘅感覺好似八樓嘅「貘記」，二樓嘅書局「實現會社」同一樓嘅「香港文學生活館」，藝術同文化已經比以前更貼近大家。
十四樓嘅「藝鵠」以書店同手作寄賣為主，PND最感興趣嘅就係麵粉袋背包！仲有可愛又矯情嘅店長貓貓Bubu，據聞，佢最鍾意搭𨋢！ 🙋🏻🚨黑板上寫咗佢地日日新鮮日日換嘅自家製素食+蛋糕，是日有咖哩烤夫三文治、黃薑糙米燴飯、涼拌撈撈素麵！甜品有日式芝士蛋糕同特濃咖啡雪糕；飲品有香蕉yogurt、梅子咖啡、草莓Lassi、咖啡等！
Strawberry Lassi，飲得到重份量嘅乳酪、士多啤梨同香料味，顏色呈乳白+粉紅，入口質感好杰好滑好香口，但又飲到好多士多啤梨蓉，好濃郁，鍾意重口味嘅潮友可以挑戰。
黃薑糙米燴飯一上枱仲有煙，黃薑粉香料味香氣撲鼻，糙米有咬口，好有嚼勁，非常惹味，食食吓有港印風情嘅感覺～
兩樣食品總計$75不設加一，食到好飽，走時將$放入錢箱入面就可以。
藝鵠
電話：28934808
星期二至日 12:00-20:00
#PND灣仔 #PNDCafe #PND西式 #PND甜品
@灣仔軒尼詩道365-367號富德樓14樓
Search